3 Concept Eyes Haul & Review

繼續寫下我上次去韓國買既戰利品。買得最多既一個牌子﹐就係Stylenanda旗下既3 Concept Eyes。雖然香港都有舖頭﹐但係去韓國都係要去一去先安樂。由於今次只得大半日行街時間﹐所以去唔切弘大的總店﹐只能去Lotte Young百貨公司的counter頂住先。人多得很誇張﹐sales姐姐不停比人叫拎呢樣嗰樣﹐做到冇晒表情。而我就求其試左幾樣我想試的就速戰速决買了。

 最後我買左呢幾樣。非常成功地控制到自己﹐冇買10支唇膏。

每件產品都有個貼紙﹐表示全新未開過。

拆開晒所有黑色包裝就會見到繽紛既顏色。

本來都冇諗住買粉底﹐只係想試下佢係咪咁水潤。點知試完後發覺佢薄薄地幾啱夏天用﹐所以買了。

唧唧樽蓋，份量容易控制。

佢只得四個顏色﹐而得個名冇no.的﹐唔知邊隻深D淺D。後來買完再上官網睇返先知有兩隻係偏粉紅﹐另外兩隻係偏黃。我買的這個 #Natural Ivory係淺色偏粉紅。

   

我一向鍾意用水狀遮瑕膏﹐所以亦買左呢支遮瑕膏。佢好水狀易推開﹐不過要快手﹐因為乾左之後就好能再blend得到。遮瑕能力都算OK﹐不過皮膚太乾未必啱用。

佢地只得兩隻色﹐我買的係 #001﹐準備會再買 #002。

胭脂+眼影﹐非常忍手﹐每樣只買左兩隻色。




 左邊的粉紅+粉紫色胭脂 #CREME DE VIOLETTE 想買好耐，之後覺得其實已經有好我粉紅色胭脂所以買左右邊 #PEACH CRUSH。

粉質都好幼滑同好上色，頭三色隻都好pastel，質地一樣。係最尾隻橙色 (右一) 有少少令，唔係閃，不過冇其餘三隻色咁粉。

眼影只忍手買左兩隻色﹐都係閃閃地。可能以前學化妝時買得太多啞色﹐而家反而鍾意買有shimmer的顏色。




#SPARKLING

#MAY BLOSSOM

比佢地舖頭既燈光呃左，返到屋企發覺呢兩隻色冇想像中靚，閃係閃但顏色不太特出。

3CE實在太多唇膏/唇彩喇，但我只係買左兩支深色唇膏。其實好耐之前已經有幾支想買，今次試完晒D色後揀左 #501 Bella 同埋 #605 Fatal。原來#501 BELLA 都有黑色包裝的，但唔知點解又有粉紅色，可能Summer Collection?? #605 FATAL就只得黑色。

501 BELLA 顏色紅D，605 FATAL 比較紫。

兩支都好實色。501 BELLA 質地濕少少同潤較易推開，605 FATAL 都易推，非常實色。

我自己就鍾意WATERFUL FOUNDATION + #CREME DE VIOLETTE 胭脂 + #605 FATAL唇色 <3

去完之前個Stylenanda Party發現原來香港真係好多Stylenanda fans(包括我)。希望大家鍾意我既分享啦!!

 Follow me
  Blog   ♥   Facebook Page   ♥   Instagram