NARS Audacious Lipstick Review

上個禮拜出席左Nars嘅二十週年Party﹐有新唇膏發佈會同可以試用佢地新出嘅唇膏。因為我有搽唇膏去，所以無即場試用。 不過當晚送既贈品裏面就有一支唇筆同唇膏，另外玩完遊戲亦收一支眼線筆﹐等我先講下用後感先。 

 Pro Long Wear眼線筆我自己都有用﹐都幾好畫同防水但畫內眼眼先差少少﹐都會溶。唇筆外型完全一樣﹐其實我覺得質地都有少少似。

 今次呢支係灰色﹐唔知幾時先會用呢!一畫即斷.... 大家用果買就記得扭返入D先畫。




收到嘅眼線筆係灰色，唇筆係橙啡色，而唇膏就係暖嘅鮮紅色Rita。

 先講下唇筆，個色其實我好少會用到，不過用黎打底用OK啦。其實唇筆個texture同Larger Than Life Eyeliner真係好似。易畫但一乾就難blend開。用來打底係OK的，因為比普通唇筆會更加long lasting，但前提係要搽好潤唇膏同埋搽上面嘅唇膏唔可以太乾。

新出唇膏有40隻色，好開心抽到紅色，因為一定會用得着，自己平時最少買嘅應該係nude色或橙橙啡啡既顏色。 





 首先，我好欣賞呢支新唇膏嘅新包裝，用嘅膠texture比舊唇膏感覺較易清潔及乾淨。另外唇膏蓋有磁石，唔怕會啪唔實個蓋。 唇膏顏色係Rita，比較warm嘅紅色，用落我曬黑咗嘅皮膚都幾好睇，不過就冇cool tone紅色咁pop同埋D牙睇落冇咁白。 



至於唇膏質地真係太好了，好軟好滑唔乾，輕輕搽一層已經好實色。冇用唇筆都唔易搽出界，亦冇化開嘅跡象。如果大家鍾意鮮艷嘅唇膏，可以去睇下同試用下﹐而我就想去買多幾支深色嘅顏色。

 我用左Nars的Shanghai Express及我最愛嘅MAC Ruby Woo作唔同紅色既比較。有比較之下更加覺得Audacious搽上手真係好滑同實色。顏色就好個人﹐我比較鍾意cool tone既紅。

-化妝分享-
最簡單的眼線+紅唇﹐少小胭脂﹐less is more。

粉底 - Makeup Atelier Paris Waterproof Foundation in FLW2Y + FLW5Y
碎粉 - By Terry Hyaluronic Hydra-Powder
眉毛 - KATE eyebrow pencil BR-1
眼線 - Maybelline Hyper Shape Liner
眼睫毛 - KATE lash maximizer white, Heroine Make long & curl mascara
Bronzer - NARS Laguna
胭脂 - Too Faced Sweetheart Perfect Flush Blush in Peach Beach

其實我係一個Nars fan屎，未學化妝之前已經買落一大堆五顏六色眼影。學化妝之後，買更加多，包括胭脂同bronzer，反而底妝產品比較少用。 可能因為成日化妝之後係Instagram post相都有tag及 @NARSissit，所以上個禮拜亦收到美國Nars寄來的郵件，感謝一路以來我對佢哋嘅支持。郵件裏面係一個胭脂同光影palette，雖然有兩隻色我已經有，但冇諗過佢地會由美國親自寄parcel俾我，所以好開心。

最後附上NARS Party既相。

 

 

  今次Nars products分享完畢。



  Follow me
  Blog   ♥   Facebook Page   ♥   Instagram


 

韓妝入貨點 - JoShin中環店

早前去左JoShin中環分店開幕派對。今次係我第一次去佢地既舖，原來中環已經係佢地第五間分店，主打賣韓國化妝品護膚品。大部份我地識既牌子既hot items都有，可以一次過睇晒，價錢同韓國門市同步，所以比較平。





開幕當日

以下係佢地旗下有賣既韓國品牌。





 
大家都好努力試用唔同既products。

 
我最喜愛，亦佔左店鋪好大地方既3 Concept Eyes。D化妝品都幾齊!








指甲油都有好多。





好eye catching既Beauty People白雪公主眼線筆及唇筆，忍唔住買了。

另外仲有好多牌子同products，其實我都唔係全部識晒。

老闆Henry，原來亦係我好朋友既朋友。

我手上拎住既紙袋入面就有呢D products，又可以慢慢試用喇。

由於我呢半年已經去坐韓國兩次，要買的都已經買左(好多)，而且仲有大量化妝品未開未用，所以都冇乜點買野。不過睇中坐呢盒Beauty People眼線筆，純粹因為個盒靚而買。眼線筆顏色有D似我之前買既Clio mini gel liner pencil，都幾靚，同埋好防水。

好鍾意個盒

唔錯唔錯，D色好實好防水好靚!

以後想買韓國化妝品唔駛飛韓國啦。大家有興趣可以去佢地門市逛逛!

Joshin 韓國化妝品專門店
Joshin International Limited

旺角總旗艦店:旺角西洋菜街51號友誠商業中心12字樓1203室                            12pm-10:30pm

旺角分店:旺角彌敦道688號旺角中心1樓F69B舖（港鐵旺角站B2出口）           1:30pm-11pm

元朗分店:元朗教育路15-19號嘉城廣場1樓1075舖（輕鐵康樂路站附近）        12:30pm-10pm

中環分店:中環德輔道中40-42號通明大廈3樓302室 星期一-星期六                   11:00am-8:30pm

澳門分店:澳門白馬行4號信達城1樓H-I舖                                                               1pm-10pm

 

http://www.joshin.com.hk

  Follow me
  Blog   ♥   Facebook Page   ♥   Instagram

Stylenanda x i.t Party

上個禮拜五應邀出席Stylenanda x i.t Harbour City LCX store grand opening party。知道有呢個party好興奮呀!! 因為我絕對係Stylenanda的忠實fans，幾年前已經經常買佢地D衫。到見到佢地越做越成功 (雖然D衫越黎越貴)，有埋化妝品牌 (仲要幾好用)，近年i.t更將佢地帶入香港，唔駛飛韓國都可以親身睇衫同化妝品。當然，鍾意呢個牌子亦因為兩位韓妹model Sora同Minhee啦! 所以今次去呢個party都想見下佢地真身。

唔打太多字了，因為好多相，哈! 大家慢慢睇! :)

Was invited to Stylenanda x i.t Harbour City LCX store grand opening party last Friday. So excited to know about this party because I'm a super fan of Stylenanda, I bought so much on their website since few years ago. Seeing the brand grows bigger and bigger (the price grows also), now with their cosmetics line (with some good quality products), then they landed Hong Kong last year because of i.t and now they have their own store, which is pretty amazing! No more flying to Korea to see the actual products. And of course, i love this brand also because of two super hot Korean model Sora and Minhee! Wanna see them in the party so much!

Not gonna write tooo much, i took many photos so please enjoy! :)

幾實仲有好多靚靚cookies同cake pop，但一refill即刻比人搶晒 :p

There were many pretty cookies and cake pop, but they were all gone once they were refilled. :p

呢個DIY手袋section最多人排隊，我排左成個鐘都未排到。最後PR將材料比左我地，咁就可以返屋企慢慢整。

There were many games to play and this DIY handbag section has the longest queue, i queued for an hour but it was tooo slow.... We gave up and the PR gave us the material so we can do it at home.

玩呢個開牌遊戲，玩完會得到Stylenanda貼紙一張。

We got a Stylenanda sticker after playing this quest game.

另外有 3 Concept Eyes makeup Corner可免費化妝或玩下化妝品，但我啱啱先去韓國玩完返黎，所以冇玩。

There were a makeup corner where you can do your makeup for free or try out their makeup products. I didn't even touch them because i had enough fun with them when i was in Korea last week.

仲有紋身貼任貼，D公仔好得意。不過係台灣牌子sponsor，唔係Stylenanda出的。

Unlimited tattoo stickers to play with too, they are all so cute. They are made and sponsored by a Taiwan company, not Nanda made.

最多人係嘉賓黎之前，好迫...................

It was so packed before the special guests appear... so crowded.......

而家賓係洪卓立同周柏豪，另外當然唔少得Stylenanda的靈魂models - Jung Minhee (左) 同 Park Sora (右)。

Special guests were Ken Hung and Pakho Chau, and yea of course the souls of Stylenanda - model Minhee Jung (left) and Sora Park (right).

當日我同Crystal，Vangie一齊去，因為大家都係Stylenanda fans，哈哈! 而佢地有i.t sponsor衫喔，真好!

Went there with Crystal and Vangie that day because we are all Stylenanda fans, haha. And i.t sponsored them their outfits, so good!

Stylenanda輪盤，可能個天知道我太多化妝品，所以比我抽中洗面膏 lol。

Stylenanda roulette, maybe god knows i buy too many makeup products, he gave me face wash instead lol.

好辛苦先拎到的cake pop，想拎多一個比Vangie，但被一位大叔搶走了 -_-。

This cake pop was so hard to get! I wanted to get one more for Vangie but it was taken by a middle age men -_-.

仲有cotton candy，但我怕整花唇膏所以冇食。

There was cotton candy too, i didnt eat coz didnt wanna mess up my lipstick.

粉紅+香蕉backdrop好靚呀!

Pink + banana backdrop is so cute!

Stylenanda貼紙 + 3CE唇膏曲奇餅，好可愛.... 唔捨得用/食...

Stylenanda sticker + 3CE lipstick cookie, so damn cute...... i dont wanna use/ eat....

Photobooth 仲要有 props，其實仲想影多幾張，哈哈!

Photobooth with props! Actually we wanted to take a few more hahaa!

 

我仲貪得意整左紋身貼，D圖案都幾靚。

I put on these tattoo stickers for fun, they are quite pretty.

 

手背呢個紅唇隔左4日都仲健在呀，完全冇甩色。

Got this red lips sticker on the back of my hand and it's still here after 4 days, didn't fade at all.

一向唔識set頭既我，當日自己set左個好亂的髻，影張相記念下。 

I don't normally style my hair because i don't know how, but i did a mess hair bun on that day, so let's take a picture and capture the moment.

為左配合Stylenanda個image，化個橙紅唇泡菜妹妝先啦。胭脂係在韓國買的3CE的粉紅+粉紫色。眼妝用了少少閃淺啡色眼影，下眼睫毛位當然要用淺色眼影突出返個臥蠶。但其實本人個臥蠶 (定唔知眼袋) 已經好勁，睇返成晚D相，笑時個下眼肚好似突出得滯。

To suit the Stylenanda theme, i have done an orange-y red lips kimchi girl makeup. 3CE pale pink + lilac blush on my cheeks. For the eye makeup i only applied a shimmer light brown eyeshadow on my lids, and a light color eyeshadow on my lower lash line to highlight my tear bags. In fact my tear bags (or puffy under eye bags, whatever they called) are naturally quite obvious, and when i look through photos i took that night, they were a bit too obvious when i smile.

好歡欣的一個party。有野食有野玩有靚仔靚女有化妝品，應該大部份女孩子(包括我)都會好開心吧!

It was such a fun party! Cute food, games to play, pretty boys and girls, makeup, what more can we girls ask for? 

  Follow me
  Blog   ♥   Facebook Page   ♥   Instagram