近來有人問我關於護膚嘅心得，既然寫咗咁耐都係講化妝，今次就講下自己點護膚啦。我屬於係混合性皮膚﹐中性皮膚但T zone都幾油。 平時嘅護膚程序都算幾簡單，雖然都有買貴野，但最常用其實都唔係D咩特別貴嘅護膚品。
卸妝
首先由落妝開始講起啦。雖然我唔會日日化全妝出街，但係如果搽咗防曬，都係要落妝的。有時化咗一日妝出街，塊面又油又lup，番到屋企真係超級想立即抹晒市面上所有化妝品。如果有時間或者只係搽咗防曬，眼線同
mascara，我會先用化妝棉加埋Loreal呢支眼部卸妝，印係眼上面，等眼妝溶左再抹掉。抹完隻眼，就用化妝棉加Bioderma落妝水全面抺兩至三次，再去洗面。如果懶D，唔夠時間又好想沖涼或好眼瞓想即刻瞓覺，就會直接喺shower前用雪花秀既落妝油捽勻全面一分鐘，再直接跳入shower沖走，再用洗面膏洗面。
眼部卸妝油我用過Chanel，Lancome同Loreal。Chanel香味太大我唔鍾意，Lancome同Loreal係差唔多咁好用，但Loreal平好多。所以我已經用左Loreal好多年，幾防水既mascara都好快就溶晒。
落妝水我只用過Bioderma，真心好用。唯一缺點係落唔到防水眼妝，所以Loreal+Bioderma係best combo。
落妝油我就用過雪花秀，Fancl同Shu Uemura。雖然Shu好多fans，但係
個人黎講唔多鍾意個texture，感覺D油好厚... 雪花秀都唔錯，但最鍾意Fancl，洗得好乾淨。
個人黎講唔多鍾意個texture，感覺D油好厚... 雪花秀都唔錯，但最鍾意Fancl，洗得好乾淨。
洗面
跟住就到洗面，最近用緊嘅洗面膏係先Simple嘅洗面gel同埋一支Cellbone洗面泡泡，兩支洗面膏我會輪流用。其實都唔係好識分洗面膏點先叫好，早十年八年嘅時候，我鍾意用D洗得好乾淨嘅強力洗面膏，洗完塊面冇晒油，乾淨到手指摸落去會啜實嗰種。但係年紀大左，塊面冇出咁多油，所以想用D冇咁刺激同埋洗完冇咁乾嘅洗面產品。
跟住就到洗面，最近用緊嘅洗面膏係先Simple嘅洗面gel同埋一支Cellbone洗面泡泡，兩支洗面膏我會輪流用。其實都唔係好識分洗面膏點先叫好，早十年八年嘅時候，我鍾意用D洗得好乾淨嘅強力洗面膏，洗完塊面冇晒油，乾淨到手指摸落去會啜實嗰種。但係年紀大左，塊面冇出咁多油，所以想用D冇咁刺激同埋洗完冇咁乾嘅洗面產品。
Simple呢支洗面gel以前係我皮膚敏感嘅時候用，但依家轉左日日用，貪佢真係好簡單無香料，屈臣士有售。而呢支Cellbone cleansing gel其實係洗面泡泡，不過由於佢有蜜瓜精華，所以有淡淡嘅蜜瓜香味，有D怪，要用多幾次先適應到。。
朝早洗面我會用凍水，洗完成個人醒晒。而夜晚通我通常喺shower入面用暖水洗，其實唔好，但我懶。不過沖完涼後我會用凍水再沖下塊面，感覺上可以收細返D毛孔。
精華
係喇，點解會係精華先呢？話說好耐之前我用緊一系列嘅雪花秀產品，而佢地嘅精華就係洗完面即刻用嘅呢支first care
serum﹐之後先到爽膚水同埋乳液。由於爽膚水同乳液仲大支D，我用咗好耐都未用晒，所以早前只係叫朋友幫我回購呢支精華。但係呢個冬天我終於用完佢地嘅爽膚水同乳液，所以而家就剩番呢支精華。感覺上佢比洗完面之後直接搽爽膚水再搽其他精華更加補充到皮膚嘅營養﹐所以我用緊第二支喇。
爽膚水
都係一樣啦，之前本來用緊雪花秀嘅爽膚水但係已經用完，所以就由呢支台灣嘅爽膚水頂上。我記得係聖誕節之前喺萬寧買佢既，仲有聖誕box set連一支細支嘅旅行裝。其實我都唔係對佢特別大期望，不過見佢寫到係台灣好暢銷，所以就買黎試下。佢聲稱入面有玻尿酸所以十分保濕，亦都係無香味嘅，質地係介乎gel與水中間。用左一排覺得幾好用所以一直繼續用，而且十分之平，又大支，好抵！
眼霜
跟住就到搽eye cream。之前一路用Estée
Lauder Advance Night Repair，都幾好用，不過因為懶，所以用完冇再去回購。買左Cellbone呢支Moist
Seal所以又用下囉﹐點知又幾好用喎！不過佢同Estée Lauder係兩樣完全唔同嘅質感。Estée
Lauder係比較滋潤，搽完摸落去比較滑。而Cellbone係液體狀，比較保濕，同埋好似有DD收緊﹐令我對眼冇咁腫﹐所以我都用緊第二支喇！
乳液/日霜/晚霜
最後就係搽cream！對我黎講日夜都係搽一樣嘅嘢。之前都係用緊雪花秀既乳液，用完之後就轉左用Cellbone Stem Cell skin renewal
cream。佢比雪花秀更加好用！雖然喺萬寧買，但呢支野都成六百幾蚊。主要係滋潤皮膚，抗氧化抗衰老。唔係賣廣告﹐所以詳細功效請自行google。
防曬
由於我塊面(特別係T
zone位)極度容易出油，所以我好唔鍾意搽防曬。一來﹐大部分含防曬嘅產品都係令到我塊面超級油淋淋，二來﹐由朝到晚最少九個鐘，我塊面D毛孔幾日就會塞晒然後生暗粒。好耐以前用開一支Sofina藍色嘅makeup
base，好好用﹐用左好多支，但係已經停產。之後我懶得就懶，雖然成面雀斑，但平日(室外活動除外)返工楂車最多戴太陽眼鏡。大家千其千其唔好學，因為紫外線真係會加速皮膚老化同增加色斑。
因為最近做咗laser
facial，所以無辦法，每日都要搽高度防曬。而用緊呢支防曬就係做激光嘅醫生比咗一小瓶我試用，我用過覺得好用先番轉頭買貨裝。佢有45度防曬、冇色、唔會令我塊面好油，控油但係又唔會令我塊面好乾，所以今個夏天我應該會一路用佢喇！另外Kanebo Media嘅黃色makeup base都唔錯，又平，不過得SPF27 PA++。
哈哈﹐寫完先發覺自己原來比較鍾意用D唔太花巧嘅牌子同醫學護膚品。 今次內文有D長﹐多謝你睇到呢度。
歡迎大家留下comment討論下或話我知仲有咩product好用﹐等我可以試下嘛。
歡迎大家留下comment討論下或話我知仲有咩product好用﹐等我可以試下嘛。
Follow me
