收到JoShin的試用已幾個禮拜，有點忙又有點懶，遲遲未出文。過完Halloween總算可以停下黎寫一寫嘢。由於早前睇左D關於beauty blogger嘅負面新聞，所以以後試用及自購都會標明清楚（其實一直都有寫得好清楚ga wor）。
有時我都收到唔少試用邀請，我唔介意試，但只會試自己有興趣既野。化妝品好D，較易用得著。護膚品盡量揀黎試，因為面得一塊，邊試得咁多樣呀。脫毛療程其實我冇需要，所以唔駛再問我有冇興趣喇。 個人覺得試用冇問題﹐因為我相信用心寫一定有人睇得到的。
今次收到嘅就係 JoShin 呢兩樣韓國化妝品。叫白雪公主化妝品﹐因為一支係美白產品﹐另一盒真係有白雪公主公仔架。
左邊係Milky Dress全身美白霜，右邊係Beauty People白雪公主毒蘋果唇膏眼影筆組合。
首先講下隻美白霜，其實我都唔知佢係乜東東，一開包裝只聞到好強勁既生果味。原來佢可以係美白面膜，按摩美白霜，身體美白lotion同埋妝前底霜，感覺好奇怪。上網做左D功課先知係可以暫時美白既lotion。即係可以當cream搽，搽白自己又得，或敷一陣洗左佢立即變白亦得，得左。
Texture大概係咁﹐唔算好水狀。
都好容易推開。
就咁搽上身或面好似太白同有D乾，所以我决定敷幾分鐘再洗.......
輕輕洗就面頭的白色，膚色即時白左一度。但都係有D乾﹐建議on top加 toner或 lotion。
用後感
其實佢都做到聲稱既美白效果﹐有少少防水﹐不過質地有D乾﹐但都算幾long lasting。做妝前打底可能會太乾﹐要on top搽cream﹐缺點係香味太強勁。但其實呢個暫時變白既效果有乜用呢? 我諗有需要時可以搽手踭或膝 (例如要影結婚相時) ﹐否則唔覺得有好大用處。
另外呢盒有兩支眼影同兩支唇膏。呢個係其實我上次都想買，不過到最後揀咗眼影筆set。
左邊兩支係唇膏﹐右邊兩支係眼影。筆型設計﹐好易用。
兩支唇膏都係實色偏啞色﹐上色效果好。兩支眼影就係銀底metallic﹐防水防油。畫上眼後要即刻blend開﹐之後就點捽都唔甩﹐單獨用或用黎打底都唔錯。
我分別用橙色同粉紅色化咗兩個妝。
橙色呢個妝比較自然﹐首先搽橙色eyeshadow﹐之後再用左啡色眼線筆加深眼線位同輕輕blend開。唇膏只搽唇部中間blend做漸變效果。
另一個粉紅色既妝﹐想同橙色既妝唔同D﹐所以加畫左貓眼線﹐比較型少少。另外由於粉紅色眼影筆有D淺色，所以加咗深少少既粉紅色眼影on top。
用後感
首先個盒好靚﹐哈哈。第二﹐唇膏同眼影筆都好易用﹐眼影筆防水防油效果好好﹐用黎打底唔怕眼影會溶。唯一缺點係粉紅色眼影筆顏色唔夠鮮艷﹐如果係深色D既粉紅就好了。
Joshin 韓國化妝品專門店
旺角總旗艦店:旺角西洋菜街51號友誠商業中心12字樓1203室
旺角分店:旺角彌敦道688號旺角中心1樓F69B舖
元朗分店:元朗教育路15-19號嘉城廣場1樓1075舖
中環分店:中環德輔道中40-42號通明大廈3樓302室
澳門分店:澳門白馬行4號信達城1樓H-I舖
Hope you liked my makeup, thankyou for reading my blog~~ See you soon~~~
Follow me
Blog ♥ Facebook Page ♥ Instagram
